سـجيت ضيقه وطاح الدمع ياسالـم
مـاهو بضعفن بنفسـي والله العالـم
خـابرك لامن زهمتك قلت لي والـم
مـدري وش اللي طرالي والفراق الم
شـيخة قصيدي لو ان غيابها ضالـم
مـاعـاد فيها تبادل عشـق ومكالـم
وانـ كان راحت ياسالم راسك السالم
|
| وجريتها يـوم كلـن نـام تنهيـده
لكن يطيح البعيـر ويجرحـه قيـده
لو رحت انا وانت يم السجن تأبيـده
مـن يوم قفت عنودن كنها الصيـده
ابطت علي واللقاء طافت مواعيـده
ضاع الخبر والسبب ياصعب تحديده
مانيب ميت وانـا هقواتـي بعيـده
|
